Skip to main content

Epea zabalik: adinekoekin lagunkoiak diren udalerrietan jarduerak egiteko dirulaguntzak

Deialdiaren data: 2026ko otsailaren 23tik maiatzaren 25era

Deialdiaren xedea: Dirulaguntzak ematea, lehia askeko erregimenean, Adinekoekin Hiri Lagunkoien Proiektua ezar dadin bultzatzeko, Osasunaren Mundu Erakundeak Bizkaiko Lurralde Historikoan duen metodologian oinarrituta.

Helburu orokorra: Bizkaiko udalerriak, mankomunitateak eta udal-partzuergoak sustatzea adinekoentzat lagunkoiagoak izatea, haien potentziala aprobetxatzea eta zahartze aktiborako aukerak sortzea.

Helburu espezifikoak:
a) Adineko pertsonak komunitateko kide direla sentitzea, parte hartzea eta gizartearen aldeko jarrerak areagotzea.
b) Komunitateak adinekoen ikuspegitik begira daitezen sustatzea,
c) Ekintza eraldatzaileak identifikatzea eta horiei ekitea, komunitateak zahartze aktiboa ahalbidetuko duten gune bihurtzeko.
d) Inplikatutako eragileen konpromisoa lortzea identifikatutako eraldaketa-ekintza abian jartzeko, adinekoek komunitate-bizitzan duten potentziala aprobetxatuz.
e) Adinekoek bultzatzaile gisa duten protagonismoa bermatzea eta prozesu osoa garatzeko egiten duten lana etengabe babestea.

Erakunde eskatzaileak: Bizkaiko Lurralde Historikoko udalak, mankomunitateak eta udal-partzuergoak, Euskadiko Udalerrien Sareari (Lagunkoia) eta OMEren Hiri Lagunkoien Munduko Sareari atxiki zaizkionak, edo, halakorik ezean, atxikitzeko eskatu dutenak, OMEren proiektua bere lurralde-eremuan ezartzen hastea erabaki dutenak edo hasi direnak.